கிளைகள் இல்ல மரம் நான்

இலைகள் இல்ல வரம் எனக்கு

வேர்கள் விரும்பா திசையில் என் எதிர்காலம்

தடம் பதிக்க கைவசம் நிழல் இல்லை

பொருந்தா தென்றல் போகின்ற வழியில்

நினைவுகளை கட்டி சேமித்து வைக்க

எந்த புன்னகையும் வாய்த்ததில்லை

உதடும் உதடும்

சேர்ந்தும் விலகியும்

வார்த்தைகளை அழகாய் உச்சரிக்குமே

அது போலவே

உனக்கும் எனக்குமான

பிரிதல்களும் சேர்தல்களும்

காதலை அழகாக்குகிறது