தேடிப்புதைக்க வேண்டும்

என் தனிமையை

யார் இதயத்தில்

இடம் தருவீர்கள்

வலியதன் வலுவில்

வளைந்தது என் வனம்

துளி விசமாய்

துளை கனமாய்

பிழை ரணமாய்

பீடித்த பின் புலன்கள்

நீடிக்கும் என் கணங்கள்

நெடிய பயணம்

இடைவெளியில்லா தடங்கள்

இயல்புகளற்ற அண்ட வெளி

முடிவுகளற்று அறுந்து போகிறது

எதிர்ப்பின் இலக்கணங்களுக்குள்

எதிர்பார்ப்பின் ஏளனங்கள்

வாட்டி வதைக்கும் வாழ்க்கைதனை

அழுது ரசிக்கும் ரசிகனாகிறேன்

அழகாய்

இருக்கிறது

வாழ்க்கை

புகைப்படங்களில்...

நாட்கள்

சேமிக்கப் படுகின்றன

மகளின் சிரிப்பில்

தீர்ந்தபாடில்லை

மிச்சமிருக்கும்

வார்த்தைகள்

புத்தக பையை

துழாவும் போதெல்லாம்

கிடைக்கும்

கடேசி சில்லறை காசாய்

ஒவ்வொருமுறையும்

கிடைக்கும் வார்த்தைகள்

யாரேனும் வாசிக்கும்போது

கவிதையாகிவிடும்

வார்த்தைகள்

யாருக்காகவேனும் வாசிக்கும்போது

கானலாகிவிடும் வார்த்தைகள்

என்னை பிரதிபலிப்பதால்

விலகி நிற்கும் வார்த்தைகள்

விலகி நிற்பதால்

என்னை பிரதிபலிக்கும் வார்த்தைகள்

ஆசான்கள் வந்து

அர்த்தமாக்கும் வார்த்தைகள்

ஆசான்கள் லாலேயே

அர்த்தம் இழக்கும் வார்த்தைகள்

என் வார்த்தைகளா?

எனக்கான வார்த்தைகளா ?

என் வழியிலான வார்த்தைகளா?

ஏதென்று அறியாமல்

நான் வார்த்தைகளற்று .....

எனது தனியறை

நிரம்பி வழிகிறது

முகம் என்று நம்பிய நகங்களால்....

சில என்னுடையதும்

சில எனக்கானதும்

இயல்பு மாறுமா

இல்லை

மாறுவது இயல்பா

புறக்கணிப்பு நீளும் பொழுதுகளில்

கிடைப்பதில்லை வார்த்தைகள்

பெரும்பொழுதுகள்

புறக்கணிப்பின் அருகாமையில்

இருக்கையில்

நிகழ்ந்து விடுகின்றது

தோழமையின்

புறக்கணிப்பும்....

என் நினைவுகளுக்குள்

எப்பொழுதும் நீ

உன் நிகழ்வுகளில்

எப்பொழுதாவது நான்

கடந்து போகிறது வாழ்க்கை

சலனமில்லாமல்....

பிரிவுகளுக்கு அப்பால்

நினைவுகளின் நெருக்கம்

விளையாட்டாய் ...

ஒரு கவிதை சொல்

என்றேன்

முதுகில் மூன்று அடி கொடுத்தாள்

திருக்குறளை விட ஒரு அடி அதிகம்தான்

மீன் கடை

குவித்து வைக்கப் பட்டு இருகின்றன

மீன்கள் - மனிதர்களை போல

நாற்றம் பார்பவன்க்குதான் ...

விற்பவனுக்கு அல்ல - மனிதம் போல

வகை வகையால் பிரித்து வைத்து

விலை சொல்வர் - இனங்கள் போல

மீன்கள் எப்பொழுதும் ஒருபடி மேல்

எந்த மீனும்

இன்னொரு மீனை விற்பதில்லை - தமிழர்களை அல்லாதார் போல்

திருக்குறள் அல்ல

பள்ளம் மேடு நிறைந்த சாலை

பாதை தேடும் நடுத்தரம்

எப்போதாவது வந்து விடுகிறாய் நினைவுகளில்

திரும்பி செல்வதற்குத்தான் பொழுதுகள் கடந்து விடுகின்றன

இன்பமும் துன்பமும் என இரு எல்லைகளுக்கும்

செல்கிற இந்த பயணத்தை மனம் விரும்பாமலுமில்லை

என்ன தான் இருந்தாலும்

நீ இல்லாத வெற்றிடத்தை

இனி

உன்னால் கூட நிரப்ப முடியாது

முன்பு எப்பொதும் இல்லாத தனிமை

வாய்த்தது எனக்கு உன்னால்

வலிக்கவில்லை இம்முறை

தனிமை ஒன்றே எனக்கு துணை

என்பதை ...

திரையிட்ட பார்வை

துளையிடும் வார்த்தை

கவனிக்கபடாத நாளை

இறுக்கமான அன்பு

இப்படிதான்

களவு போகுமோ

வாழ்க்கை

புரியாத புதிர் எல்லாம் இல்லை வாழ்க்கை

புரிந்து கொள்ள முயலாதது தான் வாழ்க்கை