உனக்கான என்னை என்னிடமும்

எனக்கான யாரையாவது உன்னிடமும்

தேடி தேடி பயில்கிறோம் காதலை

யார் முதலில் கிடைப்பினும்

சந்தோசப்படும் காதல்

என்ன செய்வது

காதலுக்கு ராசியில்லை

நெடுந்தூரத்தில் கேட்கிற

ஓசை

எனக்கானது என்று

எல்லா திசைகளிலும்

ஓடி ஓடி

யாருமற்று

களைக்கையில்

மீண்டும் மீண்டும்

நீயே வருகிறாய்

வெறுமையை

பரிசளிக்க

வலிகளின் ஆழத்தில்

புதைந்து கிடக்கின்றன

கிடைக்காத ஆறுதல்களின்

நிர்வான பிணங்கள்

...மெல்லிய சந்தோசம்

அறுத்து எரிகிற அவசரத்தில் ...

எப்பொழுதும்

வாழ்க்கை

யாருமில்லாத பொழுதுகளில்

துணைக்கு வருகிறது

உன்னை போலவே

நிலா

பென்சில் கோடுகள்

எத்தனை முறை

எண்ணுவது

ரணங்களை

ஒரு முறையாவது

எண்ணியிருக்க வேண்டும்

ரணங்களின் கணங்களை

இங்கு எது முதல் ?

எண்ணமா

எண்ணிகையா

குறியீடா

நீயா

நானா

யாருக்கேனும் தெரியுமா

பதிவுகள் முக்கியமா ?

பகிர்தல்கள் முக்கியமா ?

இல்லை

படைத்தல்கள் முக்கியமா ?

மூலம் தெரியா

முகவுரைகளால்

என்ன சாதிக்க போகிறோம்

படித்தல்

படிகளாகி

ஏற்றி விடுவது

எதை எதை

எதில் புதைந்திருக்கிறது

என்பதை

எதில்

பதுக்கி வைத்துருக்கிரர்கள்

முதலில்

எதை தேடுவது ?

எதையா ?

எப்படியையா ?

.............................

உனக்கும் எனக்கும்

ஆன சந்திப்பை

நீயும் நானும் விரும்பாவிடினும்

நிகழ்த்துவது யாராக இருக்கும்

வேறு யாராக இருக்கும்

நம்மை விட

நம்மை நன்றாக

புரிந்திருக்கும் காதல் தான்