நீங்கள் நீங்களாய் 

இருக்கும் கவிதை வேண்டாம் 

நீங்கள் நானாய் இருக்கும் 

கவிதையின் 

மடியில் மட்டுமே 

உறங்குவேன் ....

 என் இரு சக்கர 

இறக்கையால் 

பறந்து வந்தேன்....

நீந்தி கடக்க 

எந்த புன்னகையும் 

இல்லை...

இறக்கையின் 

பெட்ரோல் மணத்தில்

எந்த புன்னகையையும் 

விதைகாமலேயே 

வந்துவிட்டேன்

எல்லாரையும் போல 

 யாதிலும் யாதாயும் 

இருக்க இயலா 

களையாய் 

உங்களுக்கு...

பிழை திருத்தி 

பிழையாக்கும் 

எனக்கு 

நான் 

யாதாவேன்...

தேடலில் 

தொலைவது 

நானா? 

ஒளிந்துகொள்ள
தேடிக்கொண்டிருக்கிறேன்
ஒற்றை கவிதையை ...

யாதுக்காய் அவதானித்தேன்
கேட்க வைத்து விடுகிறீர்கள்
அடிகடி

கதவிடுக்கில் கைவிரல் போல
நைந்து போன வெறுமையில்
எதை கற்பேன் நான்

இயல்புகலற்ற பயணத்தில்
விதிகளற்று வீழ்கிறேன்

அர்த்தங்கலோடே
அர்த்தமற்று  இருக்கிறேன்

சிதறிய வார்த்தைகளிலும்
சிதறாமல் வெறுமை

தேடி தேடி தொலைக்கிறது
இந்த வெறுமை
என்னை 

திரவமாகவே தீர்ந்து விடுகிறேன்

உங்களில் நிரம்பி கொள்ளவும்
உங்களால் நிறைத்து கொள்ளவும்
திரவமாகவே தீர்ந்து விடுகிறேன்

இயல்பு இது என்பதால்
இயல்பில்லாதவனாய்  ஆகி விடுகிறேன்

ஊர்வதில் தொடங்கி
வறண்டு விடுவது வரை
திரவமாகவே தீர்ந்து விடுகிறேன்

என்ன மிச்சமிருகிறது
என்பதே மிச்சமாய் இருப்பதால்
திரவமாகவே தீர்ந்து விடுகிறேன்

நெடுநாளைக்கு பின்னாளான
 உன் புகைப்படத்துடன் ஆன
சந்திப்பிலும்
இயல்பாய்
இருக்க விடவில்லை
நீ 

யாருமற்ற வெளிகளில்
யாதை நான்
எனதாக்கி கொள்வது .....

யாருமற்று நான்
எதுவாகி போவது ....

எனதென்பது
எப்பொழுது
வெற்றிடம்
இல்லாமல் ஆகும் .....

விடை மறுப்பவர்கள்
யாராகிவிட முடியும் எனக்கு ......

மீள்வதில் உள்ள தயக்கம் 

மீட்பதில் இல்லை 

பார்வை விரியும் பகுதிகள் 

மீள்வதில்லை ஆசைகளை விட்டு 

வெற்றிடங்கள்  நிரப்புகின்றன 

நினைவு பக்கங்களை 

வார்த்தைகளாலேயே எப்பொழுதும் 

நிரப்பப்படும் வாழ்கையில் 

எழுத்து பிழைகளே 

வசந்த காலம் 

யாருக்கான காத்திருப்பு 

என்பதற்கான பதில் 

என்னிடம் இல்லை...

இறுதியில் 

எனக்காகவே 

எல்லா 

காத்திருப்புகளும் 

என்பதை 

யார் வந்து 

புரிய வைப்பீர்கள் 

எனக்கும் உங்களுக்கும் ...

மின்மினி பொழுதுகளாய் உன்னோடு 

மிரளும் குழந்தையாய் நீ இல்லா தனிமையோடு 

கானல் என்று அறியாமளுமில்லை 

காதல் குறையவும் வழியுமில்லை 

மொழி தீண்டும் பொழுதுகளில் 

ஆறும் என் ரணம் 

தீண்டா பொழுதுகளில் 

தீரும் என் .....

என் மையப்புள்ளியை 

தேடி 

வெகு அந்நியமாய் போன

என் மையப்புளியை தேடி 

விரல் பிடித்து என்னை 

எனக்குள் அழைத்து செல்லும்

என் மையப்புள்ளியை தேடி 

பிள்ளை பொழுதுக்காய் 

இன்னும் எத்துனை நாட்கள் 

என் மையப்புள்ளியை தேடி 

இழப்பினை தாங்கும் இதயமாய் 

இயல்பாய் இடி தரும் 

என் மையப்புள்ளியை தேடி 

வீராப்பை விதைத்து 

வீதியில் நிறுத்தும் 

என் மையப்புள்ளியை தேடி 

இதயம் தொடும் இதயங்களை 

உதிரம் வர உதறி விடும்

என் மையப்புள்ளியை தேடி 

எனக்கான சிம்மாசனங்களை 

ஏளன வசனங்களாக 

வரமாக்கிதரும்

என் மையப்புள்ளியை தேடி 

நெடுங்காற்றில் ஆடும் 

ஒற்றை பனையாய்

வெற்றிருக்கை 

துணைக்கு அமரும் 

நெடும் பயணமாய் 

இருப்பறிய

இறந்து பார்க்கும் 

இயல்பாய் 

பசியடக்கா 

பானையாய்

வினை பொழுதுகளும் 

வீணாய் போக 

எப்படி நானறிவேன் 

இப்படியல்ல நீ என்று

பிம்பங்களில் தொடரும் என் தேடல் 

என்று நிறைவு பெரும் 

பிரதிபலித்தளில் 

கடக்கும் பொழுதுகளின் 

கேள்விகளின் புறக்கணிப்பில்

எனக்கு  ஏன் முதலிடம் 

தேடிப்புதைக்க வேண்டும்

என் தனிமையை

யார் இதயத்தில்

இடம் தருவீர்கள்

வலியதன் வலுவில்

வளைந்தது என் வனம்

துளி விசமாய்

துளை கனமாய்

பிழை ரணமாய்

பீடித்த பின் புலன்கள்

நீடிக்கும் என் கணங்கள்

நெடிய பயணம்

இடைவெளியில்லா தடங்கள்

இயல்புகளற்ற அண்ட வெளி

முடிவுகளற்று அறுந்து போகிறது

எதிர்ப்பின் இலக்கணங்களுக்குள்

எதிர்பார்ப்பின் ஏளனங்கள்

வாட்டி வதைக்கும் வாழ்க்கைதனை

அழுது ரசிக்கும் ரசிகனாகிறேன்

அழகாய்

இருக்கிறது

வாழ்க்கை

புகைப்படங்களில்...

நாட்கள்

சேமிக்கப் படுகின்றன

மகளின் சிரிப்பில்

தீர்ந்தபாடில்லை

மிச்சமிருக்கும்

வார்த்தைகள்

புத்தக பையை

துழாவும் போதெல்லாம்

கிடைக்கும்

கடேசி சில்லறை காசாய்

ஒவ்வொருமுறையும்

கிடைக்கும் வார்த்தைகள்

யாரேனும் வாசிக்கும்போது

கவிதையாகிவிடும்

வார்த்தைகள்

யாருக்காகவேனும் வாசிக்கும்போது

கானலாகிவிடும் வார்த்தைகள்

என்னை பிரதிபலிப்பதால்

விலகி நிற்கும் வார்த்தைகள்

விலகி நிற்பதால்

என்னை பிரதிபலிக்கும் வார்த்தைகள்

ஆசான்கள் வந்து

அர்த்தமாக்கும் வார்த்தைகள்

ஆசான்கள் லாலேயே

அர்த்தம் இழக்கும் வார்த்தைகள்

என் வார்த்தைகளா?

எனக்கான வார்த்தைகளா ?

என் வழியிலான வார்த்தைகளா?

ஏதென்று அறியாமல்

நான் வார்த்தைகளற்று .....

எனது தனியறை

நிரம்பி வழிகிறது

முகம் என்று நம்பிய நகங்களால்....

சில என்னுடையதும்

சில எனக்கானதும்